2018 оны 3 дугаар сарын 14-ний өдөр Шүүхийн ерөнхий зөвлөлийн 2017 оны ажлын тайланг Дундговь аймаг дахь анхан болон давж заалдах шатны шүүхүүдэд Шүүхийн ерөнхий зөвлөлийн дарга, доктор.проф Н.Лүндэндорж танилцууллаа.

Мөн шүүхүүдийн өдөр тутмын үйл ажиллагаатай танилцан, шүүхээр үйлчлүүлж буй иргэдтэй уулзаж, тэдгээрийн санал, сэтгэгдлийг сонсов.

Шүүхийн ерөнхий зөвлөлийн 2017 оны зорилтыг танилцуулахын зэрэгцээ шүүгч, шүүхийн захиргааны ажилтнуудын сонирхсон асуултанд хариулт өгч, тэдгээрийн санал, хүсэлтийг шийдвэрлэх, цаашид хэрэгжүүлэх ажлын төлөвлөгөөнд тусгах талаар мэдэгдлээ.

Шүүхийн ерөнхий зөвлөлийн дарга, доктор.проф Н.Лүндэндорж нь Дундговь аймаг дахь шүүх 2017 онд "Шүүхийн үйлчилгээ”-г иргэдэд ойлгомжтой, хүртээмжтэй хүргэхээр "Иргэн төвтэй үйлчилгээ”-г нэвтрүүлж ажилласнаар шүүхээр үйлчлүүлэх иргэдийн тоо нэмэгдэхийн зэрэгцээ шүүхийн үйлчилгээний талаар иргэд сэтгэл ханамжтай байгаа талаар онцолсон.