“Хууль бидний амьдралд” сэдвээр сургалт зохион байгууллаа.
2016-11-21 19:51:46 | 121![\"\"](\"http://dundgovi-court.mn/uploads/posts/2016-11/1479797005_img_0099.jpg\" "\\"\\"")
Шинээр батлагдсан хууль тогтоомжийг сурталчлан таниулах, гэмт хэргээс урьдчилан сэргийлэх зорилгоор Дундговь аймаг дахь Сум дундын эрүүгийн хэргийн анхан шатны шүүхийн шүүгч Г.Мөнхбат 2016 оны 11 дүгээр сарын 18-ны өдөр тус аймгийн Эрдэнэдалай, Адаацаг сумын сургуулийн ахлах ангийн сурагч, багш, эцэг, эхчүүдэд \"Хууль бидний амьдралд” сэдвээр сургалт зохион байгуулав.
![\"\"](\"http://dundgovi-court.mn/uploads/posts/2016-11/1479797182_img_0054.jpg\" "\\"\\"")
![\"\"](\"http://dundgovi-court.mn/uploads/posts/2016-11/1479797322_img_0057.jpg\" "\\"\\"")
Уг сэдвийн хүрээнд сургалтанд оролцогчдод иргэний үндсэн эрх, үүрэг, иргэний эрх зүйн чадвар, чадамж, гэмт хэрэг, ялын тухай ойлголт, захиргааны зөрчлийн субъектын талаар мэдээлэл өгч, харилцан ярилцлага зохион байгуулав.
Сурагчдаас хөдөө суманд мотоцикль унаж явж болох эсэх, хүлээх хариуцлага, бие даан хийх гэрээ, хэлцэл зэрэг сэдвийн хүрээнд асуулт асууж, хариулт авлаа.
Сургалтанд Эрдэнэдалай суманд 300 гаруй, Адаацаг суманд 50 гаруй багш, сургагч, эцэг, эхчүүд хамрагдлаа.
![\"\"](\"http://dundgovi-court.mn/uploads/posts/2016-11/1479797415_img_0085.jpg\" "\\"\\"")
Сургалт зохион байгуулахад хамтран ажилласан сумдын засаг даргын тамгын газрын дарга, сургуулийн захирал, багш нарт талархал илэрхийлж, ажлын амжилт хүсье.
Дундговь аймаг дахь
шүүхийн тамгын газар